Новости компании / 02 НОЯБРЯ 2017

Сёння ў Дзяржаўным літаратурна-мемарыяльным музеі Якуба Коласа адбылася цырымонія ўрачыстага гашэння паштовай маркі, выпушчанай Міністэрствам сувязі і інфарматызацыі Рэспублікі Беларусь да 135-годдзя з дня нараджэння Якуба Коласа — паэта, празаіка, драматурга, публіцыста і перакладчыка, вучонага і арганізатара, метадыста і педагога, які добра ўсведамляў важнасць і значнасць адукацыі і выхавання падрастаючага пакалення.

 

У цырымоніі прынялі ўдзел:

Першы намеснік Міністра сувязі і інфарматызацыі Рэспублікі Беларусь Дзмітрый Генадзьевіч Шэдко;

Намеснік Міністра культуры Рэспублікі Беларусь Аляксандр Анатольевіч Яцко;

Дырэктар Дзяржаўнага літаратурна-мемарыяльнага музея Якуба Коласа Зінаіда Мікалаеўна Камароўская.

 

 

 

 

 

Мастацкай асновай паштовай маркі стаў партрэт Якуба Коласа, напісаны народным мастаком СССР Міхаілам Савіцкім (палатно, алей, 1982, са збору Нацыянальнага мастацкага музея Рэспублікі Беларусь).

 

Тыраж маркі 48 тысяч. Прадукцыя выраблена ў лістах, якія складаюцца з шасці марак і па-мастацку аформленага поля. Маркі выраблены з выкарыстаннем сучаснай паліграфічнай тэхналогіі: тэрмічнага ціснення матавай фольгай залацістага колеру.